Tuesday, November 27, 2007

هام و عاجل : مبروك للعدل


الظابط القاتل / محمد معوض اتهف 7 سنين يا رجاله



انتوا تعرفوا أنا مبسوط فى الواد دة ليه ؟ مش شماته بل بالعكس أنا ليا رؤيه خاصة لا تدين ضباط التعذيب وحدهم بل النظام العام اللي بيحطهم فى مأزق فهو لا يقدم لهم لا التكنولوجيا الحديثه فى التحاليل ولا فى الاتصالات ولا المعاينه التى تساعدهم فى استخلاص الحقيقه ولا يدربهم فى بداية حياتهم المهنيه إلا على التعذيب البدنى حتى و هو طالب يكسره و يناديه (يا بعكوكه) فيصبح الظابط مثل الدكتور اللى معندوش أدوية و ميعرفش يداوى السنه إلا بخلعها و هذا الاسلوب لما يشاع استخدامه داخل الأقسام يستفيد منه النظام فى شد قبضته على الغلابه " نظرية اضرب المربوط يخاف السايب "


المهم أقولك أنا بسوط ليه الضابط ده و هو خارج من جلسة يوم الأحد خرج و مفيش فى ايده حديد مش مهم و فى حماية أصدقاءة الظباط بردة مش مهم و انه قعد فى سيارة الشرطة قدام بجوار ظابط زميله بردة مش مهم بس المهم انه لما جة بعض الصحافيين يصوروه قام واجههم بإشارة جنسيه بإصبعه مما اعطانى الأنطباع بأنة مش مدرك انه عمل حاجة غلط و مش ندمان على الى عمله و بيتحدى المجتمع و القضاه و أهل القتيل .


صور من المحاكمة

و الأن أهل القتيل




و الآن المستشار عبد الهادى محمد خليفه



1 comment:

محمود الششتاوي said...

استاذنا الكبير
حضرتك لو دخلت عندي هاتلاقي التغطية وفيدوهات للتغطية ولمظاهرة الاهالي امام مجمع المحاكم http://sada-sout.blogspot.com/2007/11/blog-post_28.html