عن مظاهرة الجوع بالمحلة
الجائعون ... قادمون
بدأت الموقفة الاحتجاجية التى نظمتها قوى الأحزاب و كفاية بالمحلة بميدان "الشون" الشعبى بحوالى 30 " ثلاثون فردا " من الوجوه المألوفة و الشعارات المعتادة . عن الزيت .. و السكر.. و عفش البيت اللى اتباع
سرعان ما أنضم "ناس الحى الشعبى " للمظاهرة .. فى البداية جائوا للفرجة علينا و لكن مع ارتفاع حرارة المظاهرة هتفوا معنا على استحياء و لكن مع ارتفاع حرارة المظاهرة سخنوا و اعتلوا منصة الهتاف .. فسمعت أذنى ما لم تسمع من حوالى 50 مظاهرة اشتركت فيها ..
"يا نعيش فل الفل .. يا نموت إحنا الكل "
قلناها فى كفاية "باطل" .. لحنوها هم " ظالم " .. " يا جمال يا فركوك أهل المحلة بيكرهوك "
بدأت أتأملها .. انها الوشوش المتعبة .. ذوى الملابس المكرمشة .. و الأطفال زوى البطون الخاوية .. الذين خطفوا من يدى رغيف العيش - اللى كنت جاى اتمنظر و اتصور بية أمام الكميرات - ليأكلوه ..
فى هذه اللحظة تذكرت هذه الوشوش المزينة بقسيمات الفقر الشريف .. إنها نفس الوشوش التى حملتنى فى مظاهرات 77 و نفس الايادى الخشنة التى انتشلتنى من بين ايدى الأمن مدرجا بدمائى و نقلونى إلى المستشفى ليخرجوا من بطنى رصاص الغدر
هنا انتفض كبار رجال الأمن فزعا من على كراسيهم فى الظل .. و بدأوا يلقون الأوامر بعصبيه بزيادة قوات الأمن و انتشارهم على المزلقان المقابل للميدان ليمنع التقاء المظاهرة مع عمال الشركة بعد خروجهم من الوردية أردناها وقفة احتجاجية .. و لكنهم بأشواق التمرد المكبوتة حركوها فى اتجاه الشارع
و لكن " اللجنة المنظمة " اعادتها .. وقفة مكردنة "بالميدان
طالبتهم " اللجنة المنظمة " بصرف الناس بدعوى . " خوفا من .." .. "علشان اية..؟ " .. " و حفاظا على اية...؟ "
تعرفوا الناس الحقيقيين دول . ردوا علينا باية و هم يشاورون علينا احنا .. " اللجنة المنظمة "
الصحافة فين .. التعريص اهوة
الصحافة فين .. التعريص اهوة
انتظروهم .. الجائعون .. قادمون .. قادمون
No comments:
Post a Comment